ਕ੍ਰਾਈਮ ਨਿਊਜ਼। ਪਰਸ਼ੂਰਾਮ ਨਗਰ ‘ਚ ਇਕ ਵਿਆਹ ਦੌਰਾਨ ਡੀਜੇ ਗੀਤ ‘ਤੇ ਡਾਂਸ ਕਰਨ ਦੌਰਾਨ ਹੋਇਆ ਝਗੜਾ ਖੂਨੀ ਘਟਨਾ ‘ਚ ਬਦਲ ਗਿਆ। ਗਾਣੇ ‘ਤੇ ਡਾਂਸ ਕਰਦੇ ਸਮੇਂ ਹੋਈ ਲੜਾਈ ‘ਚ ਇਕ ਨੌਜਵਾਨ ਨੇ ਆਪਣੇ ਦੋਸਤਾਂ ਨੂੰ ਬੁਲਾ ਕੇ ਇਕ ਵਿਅਕਤੀ ਨੂੰ ਆਪਣੀ ਕਾਰ ਨਾਲ ਟੱਕਰ ਮਾਰ ਦਿੱਤੀ, ਜਿਸ ਨਾਲ ਉਹ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਿਆ। ਜਿਸ ਤੋਂ ਬਾਅਦ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਉਸ ਦੀ ਮੌਤ ਹੋ ਗਈ।
ਘਟਨਾ ਤੋਂ ਬਾਅਦ ਮੁਲਜ਼ਮ ਫਰਾਰ
ਮ੍ਰਿਤਕ ਦੀ ਪਛਾਣ ਅਮਰ (40) ਵਾਸੀ ਪਰਸ਼ੂਰਾਮ ਨਗਰ ਵਜੋਂ ਹੋਈ ਹੈ, ਜੋ ਕਿ ਢੋਲੀ ਦਾ ਰਹਿਣ ਵਾਲਾ ਹੈ ਅਤੇ ਸਮਾਗਮ ਵਿੱਚ ਸ਼ਾਮਲ ਹੋਣ ਲਈ ਆਇਆ ਸੀ। ਪੁਲਿਸ ਨੇ ਰਾਜਬੀਰ, ਮੋਨਾ, ਭੱਟੀ, ਗਗਨ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ। ਸਾਰੇ ਮੁਲਜ਼ਮ ਫ਼ਰਾਰ ਦੱਸੇ ਜਾ ਰਹੇ ਹਨ। ਚੌਕੀ ਫੋਕਲ ਪੁਆਇੰਟ ਦੇ ਇੰਚਾਰਜ ਰਜਿੰਦਰ ਸਿੰਘ ਨੇ ਦੱਸਿਆ ਕਿ ਅਮਰ ਐਤਵਾਰ ਦੇਰ ਰਾਤ ਪਰਸ਼ੂਰਾਮ ਨਗਰ ਵਿੱਚ ਵਿਆਹ ਸਮਾਗਮ ਦੌਰਾਨ ਆਇਆ ਸੀ। ਰਾਜਬੀਰ, ਮੋਨਾ, ਭੱਟੀ, ਗਗਨ ਉਥੇ ਆ ਗਏ ਸਨ। ਇਸ ਦੌਰਾਨ ਉੱਥੇ ਖਾਣਾ ਖਾਣ ਨੂੰ ਲੈ ਕੇ ਕੁਝ ਤਕਰਾਰ ਹੋ ਗਈ। ਬਾਅਦ ‘ਚ ਜਦੋਂ ਸਾਰੇ ਡੀਜੇ ‘ਤੇ ਨੱਚਣ ਲੱਗੇ ਤਾਂ ਗੀਤ ਵਜਾਉਣ ਨੂੰ ਲੈ ਕੇ ਲੜਾਈ ਹੋ ਗਈ।
ਹਾਦਸੇ ਵਿੱਚ ਇੱਕ ਹੋਰ ਨੌਜਵਾਨ ਜ਼ਖ਼ਮੀ
ਵਿਆਹ ‘ਚ ਮੌਜੂਦ ਲੋਕਾਂ ਨੇ ਮਾਮਲਾ ਸੁਲਝਾ ਲਿਆ ਅਤੇ ਦੋਵਾਂ ਨੂੰ ਵਾਪਸ ਭੇਜ ਦਿੱਤਾ। ਰਾਜਬੀਰ ਦੇ ਨੇ ਗੁੱਸਾ ਵਿੱਚ ਆਪਣੇ ਦੋਸਤਾਂ ਨੂੰ ਬੁਲਾਇਆ। ਜਿਵੇਂ ਹੀ ਅਮਰ ਸਮਾਗਮ ਤੋਂ ਬਾਹਰ ਆਇਆ ਤਾਂ ਉਕਤ ਨੌਜਵਾਨਾਂ ਨੇ ਉਸ ਨੂੰ ਕਾਰ ਨਾਲ ਟੱਕਰ ਮਾਰ ਦਿੱਤੀ ਅਤੇ ਫਰਾਰ ਹੋ ਗਏ। ਇਸ ਟੱਕਰ ਵਿੱਚ ਅਮਰ ਦੇ ਨਾਲ ਜਾ ਰਿਹਾ ਇੱਕ ਹੋਰ ਨੌਜਵਾਨ ਜ਼ਖ਼ਮੀ ਹੋ ਗਿਆ, ਜਿਸ ਨੂੰ ਇਲਾਜ ਲਈ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ।
