ਇਸ ਦੀਵਾਲੀ ਦੇ ਮੌਕੇ ‘ਤੇ, ਕਾਰਤਿਕ ਆਰੀਅਨ ਅਤੇ ਤ੍ਰਿਪਤੀ ਡਿਮਰੀ ਸਟਾਰਰ ਹਾਰਰ ਕਾਮੇਡੀ ਫਿਲਮ ‘ਭੂਲ ਭੁਲਈਆ 3’ ਸਿਨੇਮਾਘਰਾਂ ‘ਚ ਧਮਾਲ ਮਚਾਉਣ ਲਈ ਰਿਲੀਜ਼ ਕੀਤੀ ਗਈ ਸੀ। ਇਸ ਫਿਲਮ ਦੇ ਨਾਲ ਹੀ ਅਜੇ ਦੇਵਗਨ ਦੀ ਫਿਲਮ ‘ਸਿੰਘਮ ਅਗੇਨ’ ਵੀ ਰਿਲੀਜ਼ ਹੋਈ ਸੀ, ਦਰਸ਼ਕ ਦੋਹਾਂ ਫਿਲਮਾਂ ਦੇ ਕਲੈਸ਼ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਸਨ। ਹਾਲਾਂਕਿ ਰਿਲੀਜ਼ ਤੋਂ ਬਾਅਦ ਦੋਵਾਂ ਫਿਲਮਾਂ ਨੂੰ ਕਾਫੀ ਚੰਗਾ ਰਿਸਪਾਂਸ ਮਿਲਿਆ ਹੈ। ਬਾਕਸ ਆਫਿਸ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਸ਼ੁਰੂਆਤ ‘ਚ ‘ਸਿੰਘਮ ਅਗੇਨ’ ਕਮਾਈ ਦੇ ਮਾਮਲੇ ‘ਚ ਅੱਗੇ ਸੀ ਪਰ ਹੁਣ ‘ਭੂਲ ਭੁਲਈਆ 3’ ਦੇ ਕਲੈਕਸ਼ਨ ਨੇ ਇਸ ਨੂੰ ਮਾਤ ਦੇ ਦਿੱਤੀ ਹੈ। ਇਸ ਵਾਰ ਕਾਰਤਿਕ ਆਰੀਅਨ ਅਤੇ ਤ੍ਰਿਪਤੀ ਦੀ ਇਸ ਫਿਲਮ ‘ਚ ਦੋਹਰਾ ਧਮਾਕਾ ਹੋਇਆ ਕਿਉਂਕਿ ਇਸ ‘ਚ ਵਿਦਿਆ ਬਾਲਨ ਅਤੇ ਮਾਧੁਰੀ ਦੀਕਸ਼ਿਤ ਦੋਵੇਂ ਇਕੱਠੇ ਨਜ਼ਰ ਆ ਰਹੇ ਹਨ। 1 ਨਵੰਬਰ ਨੂੰ ਰਿਲੀਜ਼ ਹੋਈ ਇਸ ਫਿਲਮ ਨੇ ਆਪਣੇ ਪਹਿਲੇ ਹਫਤੇ ਦੀ ਕਮਾਈ ‘ਚ 150 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ, ਜੋ ਫਿਲਮ ਦੇ ਬਜਟ ਤੋਂ ਵੀ ਜ਼ਿਆਦਾ ਹੈ। ਅੱਠਵੇਂ ਦਿਨ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ‘ਭੂਲ ਭੁਲਈਆ 3’ ‘ਸਿੰਘਮ ਅਗੇਨ’ ਤੋਂ ਅੱਗੇ ਹੈ।
‘ਸਿੰਘਮ ਅਗੇਨ’ ਤੋਂ ਵੱਧ ਕਮਾਈ
‘ਭੂਲ ਭੁਲਈਆ 3’ ਨੇ ਅੱਠਵੇਂ ਦਿਨ 9 ਕਰੋੜ ਰੁਪਏ ਦੀ ਕਮਾਈ ਕੀਤੀ। ਫਿਲਮ ਨੇ ਹੁਣ ਤੱਕ 167.25 ਕਰੋੜ ਰੁਪਏ ਕਮਾ ਲਏ ਹਨ। ਜਦੋਂ ਕਿ ‘ਸਿੰਘਮ ਅਗੇਨ’ ਨੇ ਅੱਠਵੇਂ ਦਿਨ 7.50 ਕਰੋੜ ਰੁਪਏ ਕਮਾ ਲਏ ਹਨ। ਦੁਨੀਆ ਭਰ ਦੀ ਕਮਾਈ ‘ਤੇ ਨਜ਼ਰ ਮਾਰੀਏ ਤਾਂ ‘ਭੂਲ ਭੁਲਈਆ 3’ ਨੇ 240.75 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਫਿਲਮ ਨੇ ਵੀਕੈਂਡ ‘ਤੇ ‘ਸਿੰਘਮ ਅਗੇਨ’ ਤੋਂ ਚੰਗਾ ਕਲੈਕਸ਼ਨ ਕੀਤਾ ਹੈ, ਅੱਗੇ ਉਮੀਦ ਕੀਤੀ ਜਾ ਰਹੀ ਹੈ ਕਿ ਫਿਲਮ ਦੂਜੇ ਹਫਤੇ ਦੇ ਵੀਕੈਂਡ ‘ਤੇ ਫਿਰ ਤੋਂ ਕਮਾਈ ਕਰੇਗੀ।
