ਪਾਕਿਸਤਾਨ ਦੀ ਟੀਮ ‘ਤੇ ਇਕ ਹੋਰ ਵੱਡੀ ਹਾਰ ਦਾ ਕਲੰਕ ਲਗਾ ਦਿੱਤਾ ਗਿਆ ਹੈ। ਪਾਕਿਸਤਾਨ ਨੂੰ ਬੁਲਾਵਾਯੋ ‘ਚ ਖੇਡੇ ਗਏ ਪਹਿਲੇ ਵਨਡੇ ਮੈਚ ‘ਚ ਜ਼ਿੰਬਾਬਵੇ ਤੋਂ ਵੱਡੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਪਹਿਲੇ ਵਨਡੇ ‘ਚ ਜ਼ਿੰਬਾਬਵੇ ਦੀ ਟੀਮ ਸਿਰਫ 205 ਦੌੜਾਂ ਹੀ ਬਣਾ ਸਕੀ ਅਤੇ ਇਸ ਦੇ ਬਾਵਜੂਦ ਪਾਕਿਸਤਾਨ ਦੀ ਟੀਮ 80 ਦੌੜਾਂ ਨਾਲ ਹਾਰ ਗਈ। ਮੈਚ ਦਾ ਨਤੀਜਾ ਡਕਵਰਥ ਲੁਈਸ ਨਿਯਮ ਅਨੁਸਾਰ ਆਇਆ ਕਿਉਂਕਿ ਮੀਂਹ ਕਾਰਨ ਮੈਚ ਰੋਕ ਦਿੱਤਾ ਗਿਆ ਸੀ। ਜਦੋਂ ਪਾਕਿਸਤਾਨ ਦਾ ਸਕੋਰ 6 ਵਿਕਟਾਂ ‘ਤੇ 60 ਦੌੜਾਂ ਸੀ ਤਾਂ ਮੀਂਹ ਪੈ ਗਿਆ ਅਤੇ ਇਸ ਤੋਂ ਬਾਅਦ ਮੈਚ ਸ਼ੁਰੂ ਨਹੀਂ ਹੋ ਸਕਿਆ।
ਪਾਕਿਸਤਾਨ ਦੀ ਬੁਰੀ ਹਾਰ
ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਜ਼ਿੰਬਾਬਵੇ ਨੇ 205 ਦੌੜਾਂ ਬਣਾਈਆਂ। ਪਾਕਿਸਤਾਨੀ ਗੇਂਦਬਾਜ਼ਾਂ ‘ਚ 9ਵੇਂ ਨੰਬਰ ‘ਤੇ ਆਏ ਬੱਲੇਬਾਜ਼ ਐਂਗਰਵਾ ਨੇ 48 ਦੌੜਾਂ ਦੀ ਪਾਰੀ ਖੇਡੀ। ਸਿਕੰਦਰ ਰਜ਼ਾ ਨੇ ਵੀ 39 ਰਨ ਬਣਾਏ। ਜਵਾਬ ਵਿੱਚ ਪਾਕਿਸਤਾਨ ਦੀ ਬੱਲੇਬਾਜ਼ੀ ਬਹੁਤ ਫਲਾਪ ਸਾਬਤ ਹੋਈ। ਟੀਮ ਦੇ ਸਲਾਮੀ ਬੱਲੇਬਾਜ਼ ਸੈਮ ਅਯੂਬ ਸਿਰਫ਼ 11 ਦੌੜਾਂ ਹੀ ਬਣਾ ਸਕੇ। ਅਬਦੁੱਲਾ ਸ਼ਫੀਕ ਨੇ ਸਿਰਫ 1 ਦੌੜਾਂ ਬਣਾਈਆਂ। ਕਾਮਰਾਨ ਗੁਲਾਮ 17 ਦੌੜਾਂ ਹੀ ਬਣਾ ਸਕੇ। ਸਲਮਾਨ ਆਗਾ 4 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਹਸੀਬੁੱਲਾ ਖਾਨ ਖਾਤਾ ਨਹੀਂ ਖੋਲ੍ਹ ਸਕੇ ਅਤੇ ਇਰਫਾਨ ਖਾਨ 7 ਦੌੜਾਂ ਬਣਾ ਕੇ ਬੋਲਡ ਹੋ ਗਏ। ਕਪਤਾਨ ਰਿਜ਼ਵਾਨ ਨੇ ਅਜੇਤੂ 19 ਦੌੜਾਂ ਬਣਾਈਆਂ ਪਰ ਇਸ ਖਿਡਾਰੀ ਨੇ ਸਿਰਫ਼ 43 ਗੇਂਦਾਂ ਹੀ ਖੇਡੀਆਂ ਅਤੇ ਉਸ ਦਾ ਸਟ੍ਰਾਈਕ ਰੇਟ 44.19 ਰਿਹਾ। ਇਸ ਤੋਂ ਬਾਅਦ ਮੀਂਹ ਪੈ ਗਿਆ ਅਤੇ ਮੈਚ ਸ਼ੁਰੂ ਨਹੀਂ ਹੋ ਸਕਿਆ, ਨਤੀਜੇ ਵਜੋਂ ਜ਼ਿੰਬਾਬਵੇ ਨੂੰ ਜਿੱਤ ਮਿਲੀ।
ਜ਼ਿੰਬਾਬਵੇ ਖਿਲਾਫ 9 ਸਾਲ ਬਾਅਦ ਮਿਲੀ ਹਾਰ
ਪਾਕਿਸਤਾਨੀ ਟੀਮ 9 ਸਾਲਾਂ ਬਾਅਦ ਜ਼ਿੰਬਾਬਵੇ ਤੋਂ ਵਨਡੇ ਮੈਚ ਹਾਰੀ ਹੈ। ਆਖਰੀ ਵਾਰ ਜ਼ਿੰਬਾਬਵੇ ਨੇ ਪਾਕਿਸਤਾਨ ਨੂੰ 2015 ‘ਚ ਹਰਾਇਆ ਸੀ। 2020 ਵਿੱਚ, ਦੋਵਾਂ ਟੀਮਾਂ ਵਿਚਕਾਰ ਇੱਕ ਵਨਡੇ ਮੈਚ ਟਾਈ ਰਿਹਾ ਸੀ। ਪਾਕਿਸਤਾਨੀ ਟੀਮ ਜ਼ਿੰਬਾਬਵੇ ‘ਚ 4 ਮੈਚ ਹਾਰ ਚੁੱਕੀ ਹੈ। ਬੁਲਾਵਾਓ ਦੇ ਮੈਦਾਨ ‘ਤੇ ਪਾਕਿਸਤਾਨ ਪਹਿਲੀ ਵਾਰ ਹਾਰਿਆ ਹੈ।
